Anár – giláš davvin

Anára gielda lea viidodaga dáfus Suoma stuorámus gielda ja Anára girkosiida fas lea Suoma sámegielat servoša guovddáš. Anáris hállet eatnigiellan máŋggaid gielaid: suomagiela, davvisámegiela, anárašgiela ja nuortalašgiela. Anárašgiella lea áidna giella, man hállet dušše ovtta gieldda siste. Anár lea hui riikkaidgaskasaš ja turismasuorgi ja árbevirolaš ealáhusat, degomat boazodoallu, guolásteapmi ja duodji, fállet barggu máŋgasii.

 

 

Anárjávri lea okta Suoma stuorámus jávrriin ja Anára girkosiida lea dan gáttis. Anáris leat earenomáš buorit vejolašvuođat johtit meahcis ja guovllus gávdnojit maid ollu merkejuvvon bálgát. Leammi, Bátneduottar, muotkkeduoddara ja Urho Kekkonen álbmotmeahcit leat duos lahka. Jos fas liikot čierastallat, de gánneha dollet Suoločielgái. 

 

 

Anáris leat gávcci albma jagiáiggi. Go oahput álget, de lea vuos ruški ja de boahtá skábma. Ođđajagimánus beaivváš fas badjána, ja giđđadálvve lea hui fiinnis leat Anárjávrri alde. Ja de geassu ja boahtáge juo ijahis idja ja geasi maŋŋá fas Ijahis Idja.

 

 

Anára gilli lea maid sámekultuvrra guovddášbáiki, dasgo omd. Sámediggi čoahkkana doppe. Anáris leat maid Sámekulturguovddáš Sajos, sámemusea Siida ja Sámi oahpahusguovddáš, mat ordnejit aktiivvalaččat iešguđetlágan dáhpáhusaid. Girkosiiddas gávdno maid PaPaNa, mii lea somás deaivvadanbáiki ja doppe čuojahit, lávlot ja ráppejit beakkán artisttat.