Studeantaeallin Anáris

Sámi oahpahusguovddáža medialinnjá sáhttá čađahit ovtta dahje guovtti jagis. Medialinjá oahpuid lassin sáhtát čađahit mediasuorggi ámmátdutkosa dahje dutkosa oasi čájáhusdutkkusin.

 

Esiintymislavan testaus

 

Oahpuid áigge beasat geahččalit iešguđetlágan audiovisuála. Vuosttas jagi áigge hárjehallat kámeraid, jienaid ja čuovggaid geavaheami, plánet ja govvet oanehisfilmmaid, ráhkadat iežamet animašuvnnaid ja oahpásmuvvat rádiobargui. Medialinjjá oahpahus ordnejuvvo Sámekulturguovddáš Sajosis, gos mii beassat geavahit buot ođđaáigásaš biergasiid, studio ja bargolanjaid, maid mii ja min iešguđetlágan prošeavttat dárbbašit.

 

12493701_10153909326264243_3442363979674006112_o

 

Mediaoahpuin davviguovlu ja báikkálaš eallinvuohki leat guovddážis. Oahpuide gullet sámegielaid ja sámiid kultuvrra oahput ja studeanttat leat maid mielde ordnemin iešguđetlágan dáhpáhusaid. Studeanttat leat mielde Ijahis Idja -eamiálbmogiid musihkkafestivála ja Skábmagovat -eamiálbmogiid filbmafestivála ordnemis.

 

 

Stuorimus oassi studeanttain ássá skuvlla ásodagas Jeeras, Anárjávrri gáttis. Jeeras Sajosii lea sullii guokte ja Sámi oahpahusguovddáža doaibmabáikái fas golbma kilomehtera. Skuvlii sáhttá vázzit, sihkkelastit dahje dálvet vaikko čuoigat jávrri jieŋa rastá. Skuvla maid fállá studeanttaide njálgga borramuša golbmii beaivái. Iđitborramuša, beaivemállása ja veaigemállása áigge boradanbeavddis leat fállun dávjá báikkálaš biepmut, dego bohccobiergu ja guolli, muhto gievkkan ii leat vajálduhttán šaddoborriidge.

 

 

Anáris ii láittastuva, álo lea mii nu maid bargat ja vásihit.  Čakčat sáhttá guolástit, čoaggit guobbariid, murjet ja johtit meahcis. Giđđadálvve fas sáhttá čuoigat dahje oaggut jieŋa alde. Sámi oahpahusguovddáš fállá máŋggaid iešguđetlágan eahket- ja vahkuloahppagurssaid, gos lea vejolaš duddjot vaikko iežas niibbi dahje liegga nuvttohiid. Maiddái Anára rávesolbmuidskuvla ordne máŋggalágán doaimmaid, dego lihkadan-, musihkka- ja govvadáiddagurssaid.